22 March, 2011

പരിണാമഗുസ്തി


അടപ്പില്ലാത്ത ഓരോ
പാത്രങ്ങളുണ്ട്‌
എന്നതാണ്
പ്രശ്നങ്ങളത്രയും.
പാത്രമുണ്ടാക്കുമ്പോള്‍
അടപ്പുമുണ്ടാക്കണമെന്ന്
ആരോ മറന്നുപോയതാവണം.
ഈ ഉണ്ടാക്കികളുടെ
മറവിയെപ്പറ്റി
ആരോടാണിനിയും
പരാതി പറയേണ്ടത്.
പറഞ്ഞുപറഞ്ഞു മടുത്തു.
ഞാനിനിയും പരാതിയൊന്നും
പറയുന്നില്ലങ്ങു വെച്ചു.
എന്തെങ്കിലുമുണ്ടാക്കുമ്പോള്‍
ഓര്‍ക്കാതെ പോകുന്നത്
ഇനി മനപ്പൂര്‍വമാണോ എന്തോ.
അതെ, ഈ കവിത
ഉണ്ടാക്കിയപ്പോള്‍
ഞാനുമെന്തോ മറന്നല്ലോ.
പറഞ്ഞതുപോലെ.
ചിലപ്പോള്‍ ചില പാത്രങ്ങള്‍
അങ്ങനെയാവാനും മതി.
ഈ കവിതയെപ്പോലെ.
ഓരോന്നിന്റെയൊക്കെ
ഓരോ കാര്യങ്ങളേ.

1 comment:

  1. ചിലപ്പോള്‍ ചില manushiyar
    അങ്ങനെയാവാനും മതി

    ReplyDelete

Followers

Blog Archive